Ճապոնացի գիտնականները նոր միջոց են մշակել արևի լույսի միջոցով ջուրը ջրածնային վառելիքի վերածելու համար: Օգտագործելով հատուկ ֆոտոկատալիզատոր՝ այս նոր տեխնոլոգիան կարող է օգնել ստեղծել ավելի էժան և կայուն ջրածնային վառելիք:

Ներկայում ջրածինը հիմնականում ստացվում է բնական գազից, ինչը նշանակում է, որ հանածո վառելիքից հրաժարվելը հօգուտ էկոլոգիապես մաքուր վառելիքի հնարավոր չէ։ Ընդսմին, արևի լույսի օգտագործման վրա հիմնված նոր մեթոդը կարող է վճռորոշ լինել, եթե ապագայում ջրածինը դառնա այլընտրանք:

«Արևի լույսով առաջացած ջրի պառակտումը ֆոտոկատալիզատորների միջոցով իդեալական տեխնոլոգիա է արևի էներգիան քիմիականի վերածելու և պահելու համար, և ֆոտոկատալիտիկ նյութերի ու համակարգերի վերջին զարգացումները հույս են տալիս դրա իրականացման համար», - բացատրում է Շինշուի համալսարանի պրոֆեսոր Կազունարի Դոմենը:

Լույսի ազդեցության տակ այս կատալիզատորները խթանում են քիմիական ռեակցիաները, որոնք քայքայում են ջուրը բաղկացուցիչ մասերի: Հայեցակարգը նոր չէ, սակայն գոյություն ունեցող «մեկ փուլային» կատալիզատորների մեծ մասն անարդյունավետ է և ունի արևից ջրածնի փոխակերպման չնչին արագություն:

Կա մեկ այլ, ավելի բարդ երկաստիճան համակարգ, որն ավելի արդյունավետ է: Այս համակարգերում մի ֆոտոկատալիզատորը ջրից առաջացնում է ջրածին, իսկ մյուսը՝ թթվածին։ Ճապոնական թիմն ընտրել է ջրի պառակտման երկրորդ՝ «երկաստիճան» գործընթացը:

«Արևային էներգիայի փոխակերպման տեխնոլոգիան չի կարող աշխատել գիշերը կամ վատ եղանակին», - ասում է հետազոտության մեկ այլ հեղինակ Սինշուի համալսարանի դոկտոր Տակաշի Հիսատոմին: «Բայց արևի լույսից ստացվող էներգիան որպես քիմիական էներգիա վառելիքի նյութերում պահելով, այն կարող է օգտագործվել ցանկացած ժամանակ, ցանկացած վայրում»:

Աղբյուրը՝ Science Direct

Պատկերը՝ Nature Nanotechnology