Գիտնականները նշում են, որ եզակի կակտուսը ԱՄՆ առաջին տեսակն է, որը բնության մեջ ոչնչացվել է ծովի մակարդակի բարձրացման աճող ազդեցության պատճառով:

Սա կլիմայական ճգնաժամի առաջին տխուր զարգացումն է, բայց ոչ վերջինը, քանի որ գիտնականները մտավախություն ունեն, որ բույսի անհետացումը «արթնանալու կոչ» է այլ տեսակների համար։

Տեխասի բուսաբանական հետազոտությունների ինստիտուտում հրապարակված հոդվածում ասվում է, որ ծովի մակարդակի բարձրացման, մակընթացությունների և ինտենսիվ փոթորիկների համակցված հետևանքները Key Largo տիպի կակտուսների վայրի պոպուլյացիան անհետացման են մղել ԱՄՆ-ում իր միակ հայտնի ֆաունայում:

«Սա ընդամենը մեկ օրինակ է այն բանի, թե ինչ է կատարվում տասնյակ տեսակների հետ, և մարդիկ պետք է հասկանան, որ եթե մենք ինչ-որ բան չանենք, այս գործընթացը միայն կարագանա», - ասում է հետազոտության համահեղինակ Ջորջ Գանը:

Key Largo տիպի կակտուսը դեռևս հանդիպում է Կարիբյան ավազանի որոշ մասերում, ներառյալ՝ Կուբայում, Պուերտո Ռիկոյում և Բահամյան կղզիներում, բայց Ֆլորիդայում դրա գոյության հավանականությունը գրեթե զրոյական է:

2011 թվականին Ֆլորիդայում հաշվառված էին մոտ 150 նման կակտուսներ, սակայն մինչև 2015 թվականը հետազոտողները նկատեցին, որ կակտուսը մահանում է տագնապալի արագությամբ։ Բույսի ֆաունան լցվել է աղի ջրով փոթորիկների և մակընթացությունների պատճառով, որոնք սրվել են ծովի մակարդակի բարձրացման հետևանքով:

Քանի որ հանածո վառելիքով աղտոտվածությունը տաքացնում է մոլորակը, այն նաև հանգեցնում է օվկիանոսների տաքացման և ընդլայնման, սառցաշերտերի և սառցադաշտերի հալման, ինչն, իր հերթին, բերում է ջրի մակարդակի աստիճանական բարձրացման: Ֆլորիդայի շրջակայքում ծովի մակարդակը բարձրացել է միջինը տարեկան մոտ 0,16 դյույմով կամ 1971 թվականից ի վեր՝ 8 դյույմից մի փոքր ավելի, հայտնում են հետազոտողները:

Աղբյուրը՝ USA Today

Պատկերը՝ Susan Kolterman/CNN