Smoke rises from chimneys of the Turow power plant located by the Turow lignite coal mine near the town of Bogatynia, Poland, Tuesday, Nov. 19, 2019.  Copyright  Petr David Josek/AP

COVID-19 համաճարակն ամենախոշոր ցնցումն է համաշխարհային էներգետիկ համակարգի համար վերջին 7 տասնամյակների ընթացքում, քանի որ այս տարվա պահանջարկի անկումը կծածկի 2008 թվականի ֆինանսական հետևանքները և կհանգեցնի ածխածնի արտանետումների ամենամյա ռեկորդային կրճատման մինչև մոտ 8%:

Միջազգային էներգետիկ գործակալության (ՄԷԳ) կողմից հրապարակված նոր զեկույցում գրեթե իրական ժամանակում արտացոլվում է COVID-19 համաճարակի արտասովոր ազդեցությունը բոլոր տեսակի վառելիքների վրա, ընդ որում վերականգնվող էներգիայի աղբյուրներն ընդլայնում են իրենց դիրքերը՝ ի համեմատ ածխից ստացվող էլեկտրաէներգիայի՝ զբաղեցնելով առաջնային դիրք ողջ Եվրոպայով մեկ:

«Սա պատմական ցնցում է ամբողջ էներգետիկ աշխարհի համար: Ներկայիս տնտեսության և առողջապահության ոլորտներում առկա աննախադեպ ճգնաժամային պայմաններում կտրուկ անկում է ապրել բոլոր տեսակի վառելիքների նկատմամբ առկա պահանջարկը, հատկապես ածխի, նավթի և գազի: Միայն վերականգնվող էներգիայի աղբյուրներն են պահպանում իրենց դիրքերն էլեկտրաէներգիայի օգտագործման ոլորտում նախկինում նախադեպը չունեցող անկման ընթացքում», - ասել է ՄԷԳ գործադիր տնօրեն դոկտոր Ֆաթիհ Բիրոլը:

«Դեռևս վաղ է կանխորոշել հետևանքները երկարատև կտրվածքով, սակայն էներգետիկայի ճյուղը, որը դուրս կգա այս ճգնաժամից, էականորեն կտարբերվի նախորդից»:

Զեկույցում կանխատեսվում է, որ 2020 թվականին էներգակիրների պահանջարկը կընկնի 6%-ով՝ 7 անգամ ավելի շատ, քան 2008 թվականի համաշխարհային ֆինանսական ճգնաժամից հետո էր:  Բացարձակ առումով անկումն աննախադեպ է. համարժեք է Հնդկաստանում էլեկտրաէներգիայի ընդհանուր սպառման կորստին, որն աշխարհում էներգիայի երրորդ ամենամեծ սպառողն է:

Սպասվում է, որ զարգացած տնտեսություն ունեցող երկրներում պահանջարկն էլ ավելի կնվազի՝ ԱՄՆ-ում ՝ 9%, Եվրոպական Միությունում՝ 11%:

Աղբյուրը՝ euronews.com