Չինաստանում ստեղծվել է արհեստական բանականությամբ կառավարվող առաջին նավն աշխարհում

13 Մարտ, 2023
Պատկերը՝ CCTV/scmp.com

Չինաստանում աշխարհում առաջին անգամ ստեղծվել է արհեստական բանականությամբ կառավարվող նավ, որը կարող է ինքնուրույն արձակել օդային, վերջրյա և ստորջրյա դրոններ։ Այն հետազոտական է և կառավարվում է Գուանդուն նահանգի Ծովագիտության և ճարտարագիտության հարավային լաբորատորիայի  կողմից։

Zhuhaiyun նավը կարող է ինքնուրույն տեղաշարժվել բաց օվկիանոսում և կատարել առաջադրանքներ առանց մարդու միջամտության։ Սակայն, անհրաժեշտության դեպքում, օպերատորը կարող է կառավարումը վերցնել իր վրա։

Նավի ստեղծողների տվյալներով՝ դրա հաջող փորձարկումը և դրոնների փորձնական արձակումը տեղի են ունեցել հունվարի սկզբին։ Նավը 12 ժամվա ընթացքում ցույց է տվել, որ կարող է ինքնուրույն հաղթահարել խոչընդոտները և երթուղի գծել։

Աղբյուրը` South Chinа Morning Post

Պատկերը՝ CCTV/scmp.com


Այլ լուրեր