2013 թվականից սկսած Ֆեյսբուք ընկերությունը ստորագրել է ավելի քան 3 գեգավատ արևային և քամու էներգիայի մատակարարման պայմանագրեր, ընդ որում այդ ծավալից ավելի քան 2500 մեգավատը օգտագործվել է անցած 12 ամսվա ընթացքում:

2015 թվականին ընկերությունը հայտարարեց, որ մինչև 2018 թվականը իրենց աշխատանքային գործառույթների համար նախատեսվող ծախսվելիք էլեկտրաէներգիայի 50 տոկոսը լինելու է վերականգնվող աղբյուրներից ստացված: Ընկերությունը հասավ իր նպատակին 2017թ.-ին:

Ընկերությունը հայտարարություն է տարածել, որտեղ նոր նպատակ է մատնանշել. «Այսօր մենք պարտավորվում ենք մինչև 2020 թվականի վերջ ջերմոցային գազերի արտանետումները կրճատել 75% -ով և ապահովել մեր գլոբալ գործառնությունների իրականացումը էներգիայի վերականգնվող աղբյուրների հաշվին 100%-ով»: Միևնույն ժամանակ, Facebook- ը ընդգծել է, , որ տեխնոլոգիական հսկան մնում է Կլիմայի վերաբերյալ Փարիզի համաձայնագրի կողմնակից:

«Եթե մենք պետք է պահպանենք 1,5 աստիճանի շեմը, որը գիտնականների կարծիքով, ունի որոշող նշանակություն կլիմայական աղետալի փոփոխությունների կանխարգելման համար, մեզ անհրաժեշտ է, որպեսզի ավելի շատ ընկերություններ ակտիվանան՝ էներգիայի վերականգնվող աղբյուրների և ջերմոցային գազի կրճատման ուղղություններում կոշտ նպատակներ սահմանելու համար», - մեկնաբանել է հայտարարությունը Գրինփիսի ավագ համակարգային վերլուծաբան Գարի Քուքը:

Այնուամենայնիվ, շատ ընկերություններ ձեռնամուխ են լինում կանաչ էներգիայի օգտագործմանը: Այսպես. Ամազոնը անցյալ տարվա հոկտեմբեր ամսին հայտարարել էր, որ մեկնարկել է Տեխասի հողմաէներգիա ծրագիրը, որը տարեկան կտրվածքով կարտադրի մեկ գիգավատ էլեկտրաէներգիա:

Անցյալ տարվա արդյունքներով միայն ԱՄՆ-ում կորպորատիվ հաճախորդների կողմից օգտագործվել է 325 մեգավատ տեղադրված հզորություն: Առաջատարների թվում էին Amazon, Apple, Macy's, IKEA, General Growth Properties, Costco Wholesale, Kohl- ի, Prologis, Walmart և Target- ը: