Ճապոնական Honda Motor ընկերությունը հայտարարել է, որ այս տարի կսկսի նոր ջրածնային վառելիքային համակարգի արտադրությունը, որը մշակվել է General Motors ընկերության հետ համատեղ, և աստիճանաբար կավելացնի վաճառքներն այս տասնամյակում: 

Honda-ն նախատեսում է տարեկան վաճառել նոր համակարգի մոտ 2,000 միավոր մինչև այս տասնամյակի կեսերը՝ նպատակ ունենալով մինչև 2030 թվականն այս ցուցանիշը հասցնել տարեկան 60,000 միավորի:

Ճապոնական ավտոարտադրողը ձգտում է ընդլայնել իր նոր համակարգի կիրառումը ոչ միայն սեփական էլեկտրական մեքենաների, այլ նաև այնպիսի առևտրային տրանսպորտային միջոցների արտադրության մեջ, ինչպիսիք են ծանր բեռնատարները, ինչպես նաև ստացիոնար էլեկտրակայաններն ու շինարարական սարքավորումները:

«Հաջորդ սերնդի» համակարգով ընկերությունը նպատակ ունի ավելի քան կրկնապատկել իր հին վառելիքային համակարգի ծառայության ժամկետը և նվազեցնել ծախսերը 65%-ով:

Աղբյուրը՝ Reuters