«Թուրքական հոսք»-ը պաշտոնապես բացված է
«Թուրքական հոսք»-ը ռուսական գազը Սև ծովով տեղափոխելու է Թուրքիա, իսկ ամբողջությամբ շահագործվելուց հետո գազը մատակարարելու է հարավ-արևելյան Եվրոպայի երկրներ:
«Թուրքական հոսք»-ը բաղկացած է երկու ստորջրյա խողովակաշարերից, որոնցից յուրաքանչյուրն ունի տարեկան 15,75 միլիարդ կուբամետր թողունակություն: Այս խողովակաշարերով գազը հասնում է Թուրքիա և Բուլղարիա հունվարի 1-ից: Առկա և նոր խողովակաշարերի համակցության արդյունքում գազը կհասնի Սերբիա, ապա Հունգարիա:
Նախագիծը թույլ է տալիս Գազպրոմին հասնել երկու ռազմավարական նպատակների: Առաջին, այն կօգնի ընկերությանը մեծացնել իր մասնաբաժինը Թուրքիայի շուկայում, որը այս պահին մտնում է գազի խոշորագույն գնորդների եռյակի մեջ: Երկրորդ, Գազպրոմը կարող է թուլացնել իր կախվածությունը որպես տարանցիկ ուղի հանդիսացող Ուկրաինայից:
