Mark McVeigh

Ավստրալիայից 24 ամյա գիտնական էկոլոգ Մարկ Մակվեյը չի կարող ստանալ իր կենսաթոշակային խնայողությունները մինչև 2055 թվականը: Սակայն, անհանգստանալով, թե ինչպիսին կլինի այդ ժամանակ աշխարհը՝ նա միջոցներ է ձեռք առնում արդեն այսօր՝ հայց ներկայացնելով ընդդեմ իր 39 միլիարդանոց կենսաթոշակային ֆոնդի՝ վերջինիս կողմից իր ներդրումների վրա կլիմայի փոփոխության ազդեցության ոչ բավարար գնահատման և բացահայտման հիմքով:

Դատավարությունը դաշնային դատարանում կարող է դառնալ եզակի մարտահրավեր: Արդյո՞ք կենսաթոշակային ֆոնդերը խախտում են իրենց ֆիդուցիար պարտավորությունները՝ չհաղթահարելով ավելի տաք մոլորակի ֆինանսական ավերող ազդեցությունը:

Ֆոնդը հայտնում է, որ կլիմայի փոփոխությունը հանդիսանում է այն բազմաթիվ հանգամանքներից մեկը, որն իր կողմից պետք է դիտարկվի իր 2 միլիոն անդամների անունից ներդրումներ կատարելու ժամանակ: Շուրջ 2,9 տրիլիոն դոլար կազմող Ավստրալիայի կենսաթոշակային ֆոնդը ուշադիր հետևում է այս նախադեպին, որպեսզի հասկանա, արդյոք գործի ելքը էլ ավելի կբարդացնի ֆոնդերի համար ապահովել արդեն իսկ օրենսդրորեն ամրագրված շահութաբերության նվազագույն ցուցանիշները: